ಈಕೆ ರವಾನೆ ಕ೦ಪನಿಯ ಸೆಕ್ರಟರಿ ಸೂ ಜಿ-ಲೆನ್. ಆತ ಚೌ ಮೊ-ವಾನ್, ಪತ್ರಕರ್ತ. ಹಾ೦ಗ್ ಕೊ೦ಗ್ ನಲ್ಲೊ೦ದು ಅಪಾರ್ಟ್ಮೆ೦ಟ್ ನ ಅಕ್ಕಪಕ್ಕದ ಮನೆಯಲ್ಲಿ ವಾಸವಾಗಿರುವವರು. 
ಆತನ ಪತ್ನಿ, ಈಕೆಯ ಪತಿ ಬಹುತೇಕ ಹೊರಗೆ ಕೆಲಸಕ್ಕೆ ಹೋಗುತ್ತಾರೆ. ಇವರಿಬ್ಬರು ಮನೆಯಾಚೆ ಆಗಾಗ ಸ೦ಧಿಸುತ್ತಾರೆ. ಮನೆಯೊಳಗೆ, ಮನದೊಳಗೆ ಏಕಾ೦ಗಿ ಇದ್ದು, ಸಣ್ಣ ಸಣ್ಣ ಕೆಲಸಕ್ಕೆ ಹೊರಬ೦ದಾಗಲೆಲ್ಲ ಆತ ಈಕೆಯನ್ನು, ಈಕೆ ಆತನನ್ನು ನೋಡಿದಾಗಲೆಲ್ಲ ಸ೦ಗೀತ ಕಿವಿಗಿ೦ಪಾಗುತ್ತದೆ.
ದೃಶ್ಯಗಳು ನಿಧಾನವಾಗಿ ಹರಿದು ಕಣ್ಣಿಗೆ ತ೦ಪು ಕೊಡುತ್ತದೆ. ಕ್ಯಾಮರವೇ ದೃಶ್ಯದ ಜೊತೆ ರೊಮ್ಯಾನ್ಸ್ ಗೆ ತೊಡಗುತ್ತದೆ.
ಅವರಿಬ್ಬರ ನಡುವೆ ನಿಷ್ಕಾಮ ಪ್ರೇಮ ಅ೦ಕುರವಾಗಿ, ಜನರ, ಸಮಾಜದ ಭಯಕ್ಕೆ ದೂರದ ಹೋಟಲಿಗೆ ಹೋಗಿ, ಅವರಿಷ್ಟದ ಮಾರ್ಷಲ್ ಆರ್ಟ್ಸ್ ಕಥೆಗಳನ್ನು ಬರೆಯುತ್ತಾರೆ.
ಅವನಿಗೆ ಸಿ೦ಗಾಪೂರಿನಲ್ಲಿ ಕೆಲಸ ಸಿಗುತ್ತದೆ. ಈಕೆಯನ್ನು ತನ್ನ ಜತೆ ಬರಲು ಕರೆಯುತ್ತಾನೆ. ಕಥೆ ವಿಚಿತ್ರ ತಿರುವು ಪಡೆಯುತ್ತದೆ. ಹೃದಯ ಭಾರವಾಗುತ್ತದೆ.
ಮ೦ತ್ರ ಮುಗ್ಧಗೊಳಿಸುವ ಸಮೃದ್ಧ ಬಣ್ಣಗಳಿ೦ದ ಸ್ನಿಗ್ದಗೊಳಿಸಿ ಉತ್ಕಂಠತೆಯಿ೦ದ ಬೀಗುತ್ತಿರುವ ಸಿನಾಮಟೋಗ್ರಾಫಿ.
ರೋಮಾನ್ಸ್ ಸಂಪ್ರದಾಯವನ್ನು ಮುರಿದು ಹೊಸ ವ್ಯಾಖ್ಯೆಯನ್ನು ಸ್ಕ್ರೀನ್ ಎ೦ಬ ಕ್ಯಾನ್ವಾಸ್ ನಲ್ಲಿ ಬರೆದ ದೃಶ್ಯ ಕಾವ್ಯ.
ಸ್ಕ್ರಿಪ್ಟ್ ಇಲ್ಲದೇ ಮೂಡ್ ಬ೦ದ ಹಾಗೆ ತೆಗೆದ ಚಿತ್ರ ನೋಡಲು ಮೂಡ್ ಬೇಕು. ವೋ೦ಗ್ ಕಾರ್-ವೈ ಯ ಮಾಸ್ಟರ್ ಪೀಸ್. ನನ್ನ ಇ೦ಸ್ಟಾ೦ಟ್ ಫೇವರಿಟ್.
ಪಾದ್ರಿಯ ಅಧಿಕಾರ ವ್ಯಾಪ್ತಿ ಪ್ರದೇಶದಲ್ಲೊಬ್ಬ ನಿವಾಸಿ ಬೆಸ್ತ. ಚೀನಾ ಪರಮಾಣು ಬಾ೦ಬು ತಯಾರಿಸುವ ಭೀಭತ್ಸ ಸುದ್ದಿ ಕೇಳಿ ಅದರ ಆಗು-ಹೋಗುಗಳ ಬಗ್ಗೆ ಭಯಪಟ್ಟು ಕ೦ಗಾಲಾಗಿ ಅಸಹಾಯಕನಾಗಿ, ನೈತಿಕ ಸಹಾಯ ಕೇಳಲು ಬರುತ್ತಾನೆ.
ಆದರೆ ಪಾದ್ರಿ ತನ್ನದೇ ಆದ ಅನಿಶ್ಚಿತತೆ, ಅರ್ಥದ ತೆಕ್ಕೆಗೆ ಬರದ, ಕೊಡಲಾಗದ ಕಾರಣಗಳಿಲ್ಲದ ಅಸ್ತಿತ್ವ ಮತ್ತು ದು:ಖ ದುಮ್ಮಾನಗಳ ಜೀವನದ ಬಗ್ಗೆ ಮಾತಾನಾಡಿ ಇನ್ನಷ್ಟು ಕ೦ಗೆಡಿಸುವ೦ತೆ ಮಾಡುತ್ತದೆ.
ಪ್ರೆ೦ಚ್ ಕ್ರಾ೦ತಿಯ ಮೂರ೦ಶಗಳಲ್ಲಿ ಎರಡನೆಯ ಅ೦ಶ ಸಮಾನತೆ ಮೇಲೆ ಬಿ೦ಬಿತವಾದ ಚಿತ್ರ. ತ್ರಿವಳಿಯಲ್ಲಿ ಮಧ್ಯದ್ದು. ತನ್ನ ಹೆ೦ಡತಿಯಿ೦ದ ಅವಮಾನಿಸಲ್ಪಟ್ಟು, ದುಡ್ಡು, ಮನೆ, ಎಲ್ಲವನ್ನೂ ಕಳಕೊ೦ಡ ಮೇಲೆ, ಕಥಾನಾಯಕ ನಾಯಕಿಯ ಮೇಲೆ ಮುಯ್ಯಿಗೆ ಮುಯ್ಯಿ ತೀರಿಸಿಕೊ೦ಡು ಸಮಬಲ ಸಾಧಿಸುವುದು ಚಿತ್ರಕಥೆ.
ಸಿನೆಮಾ ಹುಚ್ಚು 